பொதுத் தேர்தலுக்கான திகதி அறிவிப்பு

எதிர்வரும் பொதுத்தேர்தல் நடைபெரும் திகதி குறித்த வர்த்தமானி இன்று வெளியிடப்படுமென தகவல்கள் வெளியாகியுள்ளன.

மேலும், தேர்தல்கள் ஆணைக்குழுவின் விசேட சந்திப்பு ஒன்று இன்று இடம்பெறவுள்ளதாக தேர்தல்கள் ஆணைக்குழுவின்தலைவர் மஹிந்த தேஷப்ரிய தெரிவித்திருந்தார்.

பொதுத் தேர்தலுக்கான திகதி தொடர்பில் நேற்று இடம்பெற்ற ஊடக சந்திப்பில் கலந்துகொண்டு கருத்து தெரிவித்தப்போதே அவர் இதனைத் தெரிவித்திருந்தார்.

இதன்படி, இந்த கலந்துரையாடலில் பொதுத் தேர்தலுக்கான திகதி தீர்மானிக்கப்டுமென எதிர்பார்க்கப் படுகின்றது.

ஓகஸ்ட் 5 இல் பொதுத் தேர்தல்

எதிர்வரும் ஓகஸ்ட் 5ஆம் திகதி பொதுத் தேர்தல் நடைபெறும் என்று தேசிய தேர்தல் ஆணைக்குழுவின் தலைவர் மகிந்த தேசப்பிரிய அறிவித்துள்ளார்.

பொதுத் தேர்தலுக்கான புதிய திகதியை அறிவிக்க தேர்தல் ஆணைக்குழுவின் 3 உறுப்பினர்களும் இன்று கூடியிருந்தனர்.

இதன்போது 2020 பொதுத் தேர்தலை ஓகஸ்ட் 5ஆம் திகதி நடத்த மூன்று உறுப்பினர்களும் ஏகமனதாகத் தீர்மானித்ததாக மகிந்த தேசப்பிரிய தெரிவித்தார்.

பொதுத் தேர்தலை ஓகஸ்ட் 5ஆம் திகதிக்கு ஒத்திவைப்பதற்கான வர்த்தமானி அறிவிப்பு இன்று இரவுக்குள் வெளியாகும் எனவும் அவர் குறிப்பிட்டார்.

இதேவேளை, வேட்பாளர்களின் விருப்ப எண் வர்த்தமானி மூலம் நேற்று அறிவிக்கப்பட்ட நிலையில் பரப்புரைகளை ஆரம்பிக்க முடியும் என்பது குறிப்பிடத்தக்கது.

Related posts